Chnhaan Diyan Challaan Wargi Shairi Da Khaliq Masood Munawar

Submitted by Guest (not verified) on Sat, 03/08/2008 - 12:54

چنانہہ دیاں چھلاں ورگی شاعری دا خالق مسعود منور
اعظم توقیر
ایہ زمانے دی ریت اے کہ ایتھے سچ بولن والیاں نوں سولی اتے چڑھایا جاندا اے ‘زہر دا پیالہ پوایا جاندا اے ‘ کال کوٹھڑیاں وچ قید کر دتا جاندا اے یاں دیس نکالا دے دتا جاندا اے پر ایہ ساریاں سزاواں سچ دا پرچار کرن والیاں نوں اپنے مشن توں پچھے نہیں ہٹا سکیاں‘سچ بولن والے نیزے دی نوک تے وی سچ بولدے نیں‘تاریخ گواہ اے کہ ہر دور دے ظالم ‘ جابر‘آمر تے ڈکٹیٹر نے سچے تے سُچے انساناں نوں قتل کیتا پر اوہ قتل ہو کے وی امر ہو گئے تے جھوٹھیاں دا ناں نشان مٹ گیا
چنانہہ دیا ں چھلاں نال لُکن میٹی کھیڈ کے جوان ہون والا دُلے دی بار دا واسی شاعر ‘ادیب ‘کالم نگار ‘ناول نگارتے صحافی مسعود منورویلے دے حاکم دے مونہہ تے سچ بول کے دیسوں بدیس تاں ہویا پر اوہ سُچی لڑی وچ پرویا گیا‘اوہنے اپنے دور دے ظالم ‘جابر تے آمر دے مونہہ تے کلمہ حق آکھیاجہدے بدلے اوہنوں اپنے دیس ‘رشتہ داراں تے سنگیاں بیلیاں توں دور کر دتا گیا‘
مسعود منور جہدا ناں ماپیاں نے محمد یوسف رکھیا سی دُلے دی بار دے اک پنڈ مونا مانیکا وچ پیدا ہویا‘ ایم اے تیکر تعلیم حاصل کیتی ‘ زمانہ طالب علمی دوران اوہ کراچی وچ وی رہیا ‘ اوتھے اوہنوں جون ایلیا تے عبیداللہ علیم جہے مہان شاعراں نال اٹھن بیٹھن دا موقع ملیا‘تعلیم مکمل کرن مگروں مسعود منور صحافت دے پیشے نال منسلک ہو گیا‘1977ءوچ مسعود منور میاں شوکت حسین دے اخبار روزنامہ آفاق وچ بطور نیوز ایڈیٹر کم کردا ررہیا ‘ اوس سمے روز نامہ آفاق وچ منے پرمنے کالم نگار عباس اطہر ہوریںبطور ایڈیٹر کم کردے سن‘
محمد یوسف جہناں دا ادبی ناں مسعود منور اے روزنامہ آفاق وچ کالم وی لکھدے سن تے نال نال اوہناں شاعری دا سفر وی جاری رکھیا ‘ مسعود منور وضعدار تے انساناں نال پیار کرن والے انسان اے۔
جنرل ضیاالحق نے جدوں برصغیر دے عظیم سپوت تے انٹر نیشنل لیڈر ذوالفقار علی بھٹو نوں پھاہے لادتا اودوں مسعود منور دے قلم نے اتھرواں دا بانا پا کے اپنے لہو نال کجھ اکھر اُلیکے جہڑے 1979ءنوں” سورج کی بشارت،، دے ناں توں کتابی شکل وچ چھپ گئے ‘ایس کتاب وچ شامل ساریاں نظماں ذوالفقار علی بھٹو نال مسعود منور دی عقیدت دیاں عکاس نیں‘ایس کتاب دا انتساب کجھ ایسراں اے
”بیگم نصرت بھٹو اور بے نظیر کے نام اس امید پر کہ وہ شہید بابا کے لیے میری محبتوں کا نذرانہ قبول کریں گی،،
ایس کتا ب وچ پندرہ نظماں نیں پہلی نظم دے تیور ویکھو
غروب ہو بھی چکا ہے مگر اجالا ہے
خدا کا دوسرا سورج عجیب کالا ہے
وہ سامراج کے سر پر بلائے بے درماں
محبتوں کے عمل میں صبا سا دھیرج تھا
سلام میرا نئے ایشیا کے بانی پر
سلام سُرخ صداقت کی حکمرانی پر
ذوالفقار علی بھٹو نوں جدوں پھاہے لا دتا گیا تے ایہ خبر اخباراں دی شہ سرخی بنی‘فیر مسعود منور چیک پیا۔
بہت سویرے کی دھوپ آنگن میں پھر رہی تھی
میں دودھ لانے گلی میں نکلا
تو اک ضمیمہ فروش نے موت کی صدا دی
اجل اجل
ذوالفقار دارو رسن سے گزرا
خبر کی بجلی چمک کے میرے بدن پہ کڑکی
چھناک چھنکا لہو کا شیشہ
دھمک سے دل کی طناب ٹوٹی
میں پیسے گنتے ہوئے گلی کی اداس باہوں میں رو پڑا تھا
بہت سویرے کی دھوپ آنگن میں پھر رہی تھی
میں رو رہا تھا
قسم سمندر پہ چودھویں کے جمالِ شب کی
پہاڑ آنسو بہا رہے تھے
پہاڑ آنسو نہیں بہاتے
پہاڑ آنسو بہا رہے تھے
میں سیڑھیوں سے گزرتے آنگن میں رونے والوں کو دیکھتا ہوں
تمام بچے ‘بڑے ‘خواتین ‘نوجوان اور گھر کے مہماں
سُتے سُتے زرد زرد چہرے ہتھیلیوں میں چھپا چھپا کے
گزرنے والے شہید کی یاد میں محبت لٹا رہے تھے
وہ مر گیا ہے جو جینے والوں میں معتبر تھا
گزر گیا ہے جو اہلِ بینش میں دیدہ ور تھا
جو روز اول سے راہبر تھا
”i was born tlead“
جو اس لیے تھا کہ غمزدوں کو نوید دیتا
جو گمرہوں کو نشان ِ راہِ سعید دیتا
خبر اُڑائی گئی ہے لوگو
کہ وہ وفا کار مر گیا ہے
وہ مر گیا ہے ،میں مر گیا ہوں
تمام انسان مر گئے ہیں
ہوا میں کہرام کا تماشہ لگا ہوا ہے
زمین اپنے مدار سے ہٹ کے گردشوں میں سسک رہی ہے
یہ آسماں کا بسیط بہروپ
سینہ کوبی کے نیلے فرغل پہن رہاہے
علی علی ذوالفقار ماتم
متاعِ سینہ فگار ماتم
ہے کربلا کا حصار ماتم
بدن بدن بے شمار ماتم
علی علی ذوالفقار ماتم
فیر کیہ ہویا ‘ضیاالحق جہے جابر حکمران نے مسعود منور نوں پھڑن لئی ایجنسیاں دی ڈیوٹی لائی ‘اوہدے گھر وچ چھاپے مارنے شروع کر دتے تے مسعودمنور افغانستان ٹر گیا‘ایہ سی اوہدا پہلا دیس نکالا
افغانستان جا کے مسعود منور ریڈیو کابل دی اردو سروس دا انچارج بنیاتے ضیاءالحق نے افغانستان اتے اوہنوں واپس گھلن لئی بھار پایا ‘فیر کیہ ہویا افغانستان دی پتھریلی دھرتی نے وی مسعود منور دا بھار چکن توں معذرت کر لئی ‘ مسعود منور اوتھوں بھارت ٹر گیاتے بھارت وچ سردار دیوان سنگھ مفتوں دے اخبار رزنامہ ریاست تے اک ہور اخبار روز نامہ ملاپ وچ کالم لکھن لگ پیا‘اوہنے سچ بولن دا مشن جاری رکھیا۔ اوس سمے عطاءالحق قاسمی نے حسنین جاوید دے ناں توںاک سٹوری شائع کیتی کہ ”لوگو اسے(مسعود منورکو)پہچا ن لو، یہ تمہارے وجود کا دشمن ہے، انڈیا میں پاکستان کیخلاف کالم لکھتا ہے اور تمہارا ملک توڑنا چاہتا ہے “۔
مسعود منور انڈیا جاکے وی ضیاءالحق دی اکھ وچ رڑک رہیا سی تے انڈیا نے وی مسعود منور نو ںپناہ دین توں انکار کردتا تے اوہنے پناہ لئی اقوام متحدہ نال رابطا کیتا ، اقوام متحدہ نے مسعود منور نوں پناہ دتی تے اوہنوں ناروے سیٹل کروا دتا، ایتھے ایہ گل وی چیتے رہوے کہ مسعود منور تاریخ دا دوجا بندا سی جہنوں اقوام متحدہ نے پناہ دتی، مسعود منور نوں ناروے دی شہریت مل گئی تے اوہ اج تیکر دیس نکالے دی صورت وچ سچ بولن دی سزا بھگت رہیا اے۔
نا روے وچ مسعود منور نے درمن یونیورسٹی توں سائیکالوجی وچ ماسٹر کیتا فیر درمن یونیورسٹی وچ ای پڑھان لگ پیا، ناروے دے شہراوسلو وچ مسعود منور نے پورا پنجاب وسایا ہویا اے، ناروے وچ مسعود منور دا اک پتر باقاعدہگلوکار اے تے اوہ اوتھے دے گائیکاں وچ اپنی پہچان رکھدا اے۔ ایہہ سی پنڈی بھٹیاں لاگے اک پنڈ مونا مانیکا وچوں پھٹن والی پھوٹ دی جیون کتھا، ہن اسیں مسعود منور دے ادبی پندھ دی گل کردے آں۔
مسعود منور اردو تے پنجابی دوہاں زباناں داصاحب اسلوب تے مہان شاعر اے، اوہدی نثر وی بڑی جاندار اے، اوہنے ہن تیکر جہڑیاں کتاباں تخلیق کیتیاں اوہناں وچ اردو زبان وچ شعری پراگا ”دیو مالا “ بھٹو دے حوالے نال نظماں دا پراگا”سورج کی بشارت“پنجابی شعری پراگا ”دیس نکالا “تے اک ناول ”میل بھرے ناخن “ جہڑی شاید اجے تیکر چھپ نہ سکی ہووے۔
مسعود منور دی شاعری چنا نہہ دیاں چھلاں وانگر شوخ وی اے تے اپنے اندر جذبیاں دا اک سمندر وی لے کے بیٹھی اے، اوہ پنجاب دھرتی دی گل ایسراں کردا اے
ایہہ دھرتی پھلاں دی دھرتی
ایہہ دھرتی فصلاں دی دھرتی
ایہہ دھرتی دریاواں والی
اچیاں اچیاں ناواں والی
ایہہ دھرتی اقبال دی دھرتی
حضرت مادھولال دی دھرتی
اس دھرتی دے مٹھڑے پانی
گھوڑیاں وانگوں اتھرے پانی
دیس توں وچھڑ جان دا دکھ لکھن لکھان لئی باقاعدہ اک محرک اے تے اپنے دیساں توں دور وسدے لکھاری ایس دکھ نوں شعراں دا روپ دین تے مجبور ہوندے نیں، اپنے وطن دی محبت دیس دیاں آزاد تے معطر فضاواں جدوں یاد آﺅندیاں نیں تے انج وی ہوندا اے
الف توں پہلے قلم تے کاغذ
یے توں پچھے لیکھ
بلہاں اتے عشق دا اکھر
تلیاں دے وچ میخ
بیلے بیلے ہیر کوکیندی
حال اوئے میرے مائیے
سنج مسنجے پتن چھڈ کے
رانجھے تھئے پرائے
برف دی چٹی کفنی پائی
لمے دیس وسائے
اسیں پنج ندیاں دے جائے
ضلع حافظ آباد دی ادبی تاریخ لکھدیاں جناں ادب میرے ساہمنے آیا اے مسعودمنور دی شاعری سب توں وکھری وکھالی دتی اے۔ لفاظی توں لے کے ترکیباں تک مسعود منور ہر حوالے نال اچھوتا تے ذرخیز سوچ دا مالک شاعر اے۔
پھلاں ورگا پنڈا اس دا عطر جہی خوشبو
باری دے وچ آن کھلوتی چن دی نمی لو
چولا ، لاچہ ، چُٹی ، لَٹاں ، پینگھ دے ستے رنگ
ریشم دے دھاگے وچ مالی دتے پھل پرو
ستاں وچوں وکھری لگی سرو جہی مٹیار
نیناں دے وچ کجل گوڑھا ابرو تیز کٹار
اک تے حسن بہاراں ورگا اتوں ہار سنگھار
اکھاں دی جھیلاں تے چمکی دو دھاری تلوار
مسعود منور کدی کلاسیکی روایت نال جڑیا نظر آﺅندا اے تے کدی جدید اسلوب اپنا کے اپنا آپ منواندا اے۔مسعود منور حیاتی دا لماپندھ دیس بدیس پھر کے ناروے وچ گزاری بیٹھا اے پر اوہدی شاعری اج وی دُلے دی بار دے واسیاں دی مقامی زبان وچ اے، حالاں جے کجھ مخصوص علاقائی اکھر عام طور تے لکھاری نہیں ورتدے پر مسعود منور اپنی دھرتی ماں دا پورا پورا حق ادا کر رہیااے۔ میں ہن تیکر پنجابی شاعری دا جنا مطالعہ کیتا اوہدے وچ کسے شاعر تے ادیب نے ایہہ اکھر نہیں ورتے مثلاً دھمسی، ترٹسی، گھتسی ،اروڑی، مچسی، برمات، اڈول، ایہہ اکھر عام طور تے شاعری وچ نہیں ورتے جاندے پر مسعود منور نے تے کمال کر چھڈیا۔
کدیں تاں دھمسی چڑھدے پاسوں
کدیں تاں مکسی رات
کدیں تاں یار ترٹسی کالک
دیونہہ آگھتسی جھات
اوڑک اک دن آکڑ بھنسی
گنداروڑی والا
کدیں تاںمُسی رُت وچ مچسی
مشکاں دی برمات
کدیں تاں کلر فصلاں دیسی
کدیں تاں سیم نہ ہوسی
کدی تھاں بھیڑی دھرتی کولوں
کال نہ پچھسی ذات
ایسے طرحاں ”کہکشاں لئی اک نظم “وچ اکھر اڈول تے تروپا نوں کنے سوہنے سبھا نبھایا گیا اے۔
اجے کھولیں نہ ڈکا ہنجواں دا
ترے خواباں دا ٹاپو رڑھ نہ جاوے
اڈول اس غم دی چادر نوں ولیٹیں
تروپا یاد دا ادھڑ نہ جاوے
حافظ آباد دی دھرتی نوں اپنے ایس عظیم سپوت اتے فخر اے اللہ تعالیٰ دی ذات مسعود منور نوں لمی عمر تے صحت عطاءفرماوے ۔ (آمین)
92+0333-4406963
Pindi Bhattian, Dist, Hafiz Abad

Add new comment

CAPTCHA
This question is for testing whether or not you are a human visitor and to prevent automated spam submissions.
Copyright (©) 2007-2019 Urdu Articles. All rights reserved.
Developed By Solaxim Web Hosting and Development Services
Affiliates: Urdu Books | Urdu Poetry | Shahzad Qais | Urdu Jokes One Urdu| Popular Searches | XML Sitemap Partners: UrduKit | Urdu Public Library

Urdu Articles Is One Of The Largest Collection Of Urdu Articles On Different Topics. You can read articles on topics like parenting, relationship, politics, How to do Things, Shopping Reviews, Life Style, Cooking, Health and Fitness, Islam and Spirituality... You can also submit your articles to get free publicity and fame on your published work. Keep Smiling......