Mulki Atemi hatyaar mehfooz haton main hain!

Submitted by njusmani on Wed, 04/29/2009 - 13:19

kal ke Roz Nama-e-Jang main President Pakistan nai apnay Pakistani Awaam ko yakeen dihani karayee hai ke Mulki Atemi Hatyaar mehfooz hatoon main hain, Mager mari President Pakistan se yeh guzarish hai k woh es cheez ki bhi wazhat kar dain ke aaya Mulk bhe mehfooz haton main hai ya nahi?
Laikin ham tou yahe duaa kartay hain ke Allah Paak sab kuch aisa he ho jai sa ham ko batya ya dikhya ja raha hai....Asooli toor per tou yahan lafz "Duaa" ke bajaye "Umeed" istemaal hona chaye tha mager sahib-e-ilem loog lafz Duaa aur Umeed ke farq se bakhobi waqif hain. kion ke jis tarhan se umeeden dam toorti ja rahi hain aisi sorat-e-haal main duaa par he aasra kiya ja sakta hai. Mazi main ham se jis tarahan cheezen cheeni jati rahi hain wahan is nai hamen kuch sikhaya ho ya na sikhaya ho yeh bakhobi sikha diya hai ke kisi malaal ko kam karnay ka sab sai behtreen tarika yeh hai ke koi bhi cheez cheeni janay sai pehlay he batoor thoofa dai di jaye tou na sirf apki Izat-e-nafs barqaraar reh jai gi ek ke saath ehsaas-e-malal bhi bhi nahi rehta bhala tohfay main diye jany wali cheezon ka malal kia?

tou ham baat kar rahay thay President Pakistan ke statement ki jis main unho nai Mulki atemi hatyaroon ko mehfooz haton main honay ke halway se kafi tasali bakhsh jawab diye hain wahin kaie gair tasali bakhsh khadshaat zehan main utthtay hain.
jab mulk ke bohat se hissay hatoon sai jatay dikhayee dai rahay hain tou aisi sorat-e-haal main bohat si mehfooz chizeen ghair mehfooz nazar arahi hain.....

un ke jawab ke hawaly se Pakistani Agencies ko yakeen Ussama bin ladin mer chukay hain tou aisi sorat-e-haal main yeh sawal phir ziada Eham ho jata hai ke Talbaan ke usi tarhan monzam ho ker karwayaan kar nai ke peechay konsa dimagh kar ferma hai? us ke saath saath unho ne is cheez ke bhe wazahat kar di hai ke Go Americans jadeed sazo saman rakhtay hain kisi bhi tahqeeq ke hawalay se mager woh bhi is baat ka koi hatmi faisla karnay sai qasir hain ke usama bin ladin zinda bhi hai ya mer chuka hai?

mager Americans ki tou bat he rehnay he di jaye tou behter hai kion ke lagta hai ke America aur Ussama bin ladin dono ke paas koi jado ki chari hai kion jab aur jis mulk main America chahta hai wahan usko Ussama aur uske Sathi karwayaan kartay huway dikhayee dainay lagtay hain aur Ussama bhi isi tarhan gayab ho jata hai ke jaisay kabhi tha he nahi hain na jado?

aur lagta hai ke yeh aankh micholi ka khail us waqat tak chaly ga jab tak doono farqain apnay apnay hissay ka khail na khail lain.....

Sawat muhaiday ko dunya ke samnay drust andaaz main paish kia jaie ga aur yeh drust andaz kia hoga?
is muhaiday ke hawalay sai Mulki kharja policy ke hawaly se bhi baat ki gaie mager uski wazhat nahi ki gaie Kharja policy ka sab se eham juz yeh hai ke Mulki Thafuz aur salamti ko awaleen tarjih di jaye go Talbaan mazhbi toor per musalmaan hain mager bunyaadi toor per yeh firqa Pakistan se taluq nahi rakhta mager haan kuch loogon ki himayat zaroor hasil he mager sawal yeh utthta hai ke agar sirf musalmaan honay ki bunyaad par kisi ko bhi apnay mulk main aa kar koi bhi man mani ka moka de diya jaye tou samjhnay walay bakhoobi es baat ko samjh saktay hain ke aisi sorat main Mulki tahafuz aur salamti barqaar rehnay ke kitnay imkanaat hain!

jis tarhan pakistan main dakhil ho kar Taalbaan nai apnay nazaryaat lago karnay ka baida utthaya hai ayr es silsalay main jis tarhan woh apni karwaayon ko barha hain hein aj un karwayoon sai har koi waqif hai aur yahi baat qabil-e-tashweesh bhi hai,

lihaza zaroorat is amar ki hai jis tarhan ham mulki hatyaaron ke hawalay sai pur yakeen hain mulki salamti ke hawalay sain bhi itnay he pur yakeen hon kahin khuda na khuwasta aisa na ho ke ham chain ki bansri bajtay rahain jo ikhtaam par China ke kisi item ki tarhan na paidar niklay..................

Nadeem Jawed Usmani

Add new comment

CAPTCHA
This question is for testing whether or not you are a human visitor and to prevent automated spam submissions.
Copyright (©) 2007-2019 Urdu Articles. All rights reserved.
Developed By Solaxim Web Hosting and Development Services
Affiliates: Urdu Books | Urdu Poetry | Shahzad Qais | Urdu Jokes One Urdu| Popular Searches | XML Sitemap Partners: UrduKit | Urdu Public Library

Urdu Articles Is One Of The Largest Collection Of Urdu Articles On Different Topics. You can read articles on topics like parenting, relationship, politics, How to do Things, Shopping Reviews, Life Style, Cooking, Health and Fitness, Islam and Spirituality... You can also submit your articles to get free publicity and fame on your published work. Keep Smiling......