گوگل ایڈسینس کی انکم بذریعہ ویسٹرن یونین

Submitted by Guest (not verified) on Tue, 11/20/2007 - 03:42

امید ھے آپ ایڈ سینس کو جانتے ھوں گے۔ تو گوگل والے پہلے مجھے رقم بذریعہ چیک بھیجتے تھے۔ عام چیک کے ذریعے تو کبھی مجھے چیک ملا ھی نہیں ۔ ڈی ایچ ایل کے ذریعے منگوانے پر پچیس ڈالر یعنی تقریبا پندرہ سو روپے پاکستانی خرچ آ جاتا تھا لیکن چیک تیس تاریخ یا یکم کو مل جاتا تھا۔ تاھم اس چیک کو روپوں میں تبدیل کرنا ایک لمبا مرحلہ تھا۔ پہلے تو بنک والے کہتے تھے کہ ایک سو روپے کے اشٹام پر لکھ کر دو کہ اگر چیک گم ھو گیا تو کوئی مسئلہ نہیں اور میں سارے پیسے ادا کروں گا وغیرہ وغیرہ جیسی فضول تحریر۔ اس کے بعد بھی وہ پیسے فورا نہیں دیتے تھے بلکہ دو ڈھائی مہینے کے بعدکہیں اس کے پیسے میرے اکاونٹ میں منتقل کرتے تھے حالانکہ گوگل سے وہ پیسے ایک ھفتے میں لے لیتے تھے۔ یہ تفصیل گوگل کے اکاونٹ میں موجود تھی۔بہرحال چونکہ کوئی اور آپشن نہیں تھی اس لیے اسی تنخواہ پر گزارا کرتے رھے۔

تاھم گزشتہ دنوں گوگل نے پیسے بذریعہ ویسٹرن یونین بھیجنے کی آفر کی تو میں نے فورا اس کو ٹیسٹ کرنے کا فیصلہ کیا۔ پچیس تاریخ کو گوگل چیک بھیجتا تھا تاھم چھبیس تاریخ کو پیسے لاھور پہنچ چکے تھے۔ مجھے گوگل نے تیس تاریخ کو بتایا۔ اس کے بعد میں نے کافی دوڑ دھوپ کی کہ پیسے کہاں سے نکلوائے جائیں۔ بنک الفلاح، یو بی ایل وغیرہ نے ویسٹرن یونین کے بورڈ تو لگائے ھوئے تھے مگر سروس زیرو۔ ڈاکخانے والے کہتے تھے کہ صرف جی پی او جائیں۔ زرکو والوں کا انتظام تو ٹھیک تھا تاھم ان کے پاس اس وقت کیشئیر نہیں تھا۔ چنانچہ بالاخر جی پی او لاھور کا دورہ کیا اور مختصر فارم فل کرنے کے بعد اور شناختی کارڈ کی فوٹو کاپی لینے کے بعد انہوں نے اسی وقت روپے گن کر میرے حوالے کر دئیے۔ اپنے انعام کے پانچ روپے اس نے پہلے ھی کاٹ لیے تھے۔

ڈالر سے روپوں میں تبدیل کرتے وقت ایم سی بی اور ویسٹرن یونین والے دونوں ھی بہت کم ریٹ لگاتے ھیں جو مجھے کہیں بھی نہیں ملا۔ انٹر بنک سے لے کر تمام ریٹ چھانے مگر وہ تقریبا ایک سے ڈیڑھ روپیہ فی ڈالر کم دیتے ھیں۔ خیر کوئی بات نہیں۔ تو اس طرح ھم نے گوگل ایڈسینس کی مختصر سی آمدنی بذریعہ ویسٹرن یونین وصول کر لی۔

گوگل کا شکریہ، ویسٹرن یونین کا شکریہ۔
پاکستانی بنکوں اور ان کی فضول بیوروکریسی کو خدا حافظ

Guest (not verified)

Mon, 07/05/2010 - 15:08

مفید اور معلوماتی پوسٹ کے لیے بے حد شکریہ

Add new comment

Filtered HTML

  • Allowed HTML tags: <a href hreflang> <em> <strong> <cite> <blockquote cite> <code> <ul type> <ol start type='1 A I'> <li> <dl> <dt> <dd> <h2 id='jump-*'> <h3 id> <h4 id> <h5 id> <h6 id>
  • Lines and paragraphs break automatically.
  • Web page addresses and email addresses turn into links automatically.
Copyright (©) 2007-2018 Urdu Articles. All rights reserved.
Developed By Solaxim Web Hosting and Development Services
Affiliates: Urdu Books | Urdu Poetry | Shahzad Qais | Urdu Jokes One Urdu| Popular Searches | XML Sitemap Partners: UrduKit | Urdu Public Library

Urdu Articles Is One Of The Largest Collection Of Urdu Articles On Different Topics. You can read articles on topics like parenting, relationship, politics, How to do Things, Shopping Reviews, Life Style, Cooking, Health and Fitness, Islam and Spirituality... You can also submit your articles to get free publicity and fame on your published work. Keep Smiling......