عالمی حدت میں اضافہ حقیقت ہے

Submitted by arifmahi on Sun, 03/16/2008 - 20:26

امریکہ میں سائنسدانوں کے ایک گروپ نے کہا ہے کہ وہ تصدیق کرتے ہیں کہ گلوبل وارمنگ ایک حقیقت ہے اور انسان ہی اس کا ذمہ دار ہے۔
ان سائنسدانوں نے کہا ہے کہ اُنہوں نے کروڑوں کی تعداد میں درجہ حرارت کے اعداد و شمار سے یہ ثابت کیا ہے کہ سمندرگرم ہوتے جارہے ہیں جن کے عالمی اثرات بہت ہی تباہ کن ہونگے۔

پوری دنیا میں پگھلتی برف پانی کے سائیکل کو تبدیل کررہی ہے جس کے اثرات پہلے تو بحری روؤں پر پڑیں گے اور اس کی وجہ سے موسموں میں عالمی تبدیلی آئے گی۔

انہوں نے سائنسی ترقی کے امریکی ادارہ کو بتایا کہ اس کی وجوہات صاف طور پر گرین ہاؤس گیسیں ہیں۔ اب تک خیال کیا جاتا رہا ہے کہ درجہ حرارت میں اضافے کی وجہ سورج کی شعاعیں، آتش فشاؤں کا پھٹنا اور پیٹرو کاربن ایندھن کے استعمال سے ہوسکتا ہے۔

یہ تحقیق امریکی صدر بش کے یورپ کے دورے سے کچھ پہلے سامنے آئی ہے ۔ صدر بش کی ماحول کے بارے میں پالیسی یورپ کے رہنماؤں سے مختلف ہے۔

امریکہ نے گرین ہاؤں گیسوں کے اخراج میں کمی کے لئے کیوٹو سمجھوتے پر دستخط کرنے سے اس بنیاد پر انکار کردیا ہے کہ اس کے نتیجے میں امریکہ کی ایک بڑی آبادی بیروزگار ہوجائے گی اور اربوں ڈالر کا نقصان ہوگا۔ تاہم ان کا کہنا ہے کہ وہ یورپ یہ پیغام لے کر جارہے ہیں کہ انہیں ماحولیات اور موسم کی تبدیلی کی خاصی فکر ہے۔

Add new comment

CAPTCHA
This question is for testing whether or not you are a human visitor and to prevent automated spam submissions.
Copyright (©) 2007-2019 Urdu Articles. All rights reserved.
Developed By Solaxim Web Hosting and Development Services
Affiliates: Urdu Books | Urdu Poetry | Shahzad Qais | Urdu Jokes One Urdu| Popular Searches | XML Sitemap Partners: UrduKit | Urdu Public Library

Urdu Articles Is One Of The Largest Collection Of Urdu Articles On Different Topics. You can read articles on topics like parenting, relationship, politics, How to do Things, Shopping Reviews, Life Style, Cooking, Health and Fitness, Islam and Spirituality... You can also submit your articles to get free publicity and fame on your published work. Keep Smiling......